Belfast 2006

Jæja.. Á maður að fara að taka upp á þessari vitleysu aftur? Það er svo langt síðan ég skrifaði að ég þarf að láta fólk vita ef ég byrja að blogga aftur því engum dettur í hug að það sé eitthvað nýtt að gerast hér... Gef því nokkra daga og sé til...

Þetta er búið að vera letilegast dagur í heimi! Fór á prófloka/vísindaferðar djamm í gær. Var komin heim rétt um eitt leytið því þá gáfust vinirnir upp! Rétt þegar maður var að komast í stuð.. Engin ending í fólki! (byrjað að drekka kl 16 en samt...)  Ég skrölti sem sagt heim um eitt, fannst klukkan ekki nærri því orðin nógu margt til að fara að sofa svo ég lagðist upp í sófa undir sæng og horfði á póker í sjónvarpinu! Það kemur kannski ekki mörgum á óvart en ég sofnaði yfir því.. vaknaði um hádegið, rétt um það leyti sem Dr. Phil laugardagsmaraþonið byrjaði (ennþá kveikt á sjónvarpinu) og fór að horfa á það... Reis upp úr sófanum um tvöleitið til að fara á klósett og taka á móti pizzu og lagðist svo aftur.. Er eiginlega bara búin að vera hér nema ég hef rétt staðið upp til að sækja mér vatn í fótabað og poppa! Ahhhhh dagurinn eftir próf! Vel varið... (svona þannig)

En! Ég var semsagt að klára próf í gær! Verkleg medicine! Gekk alveg ágætlega þrátt fyrir mikið stress og minnisleysi í gömlu konunni... Þessa helgi eru því mikil tímamót! Búin á medicine og þá tekur kirurgian við! Fyrir þá sem kunna ekki svona mumbo jumbo (flestallir nema læknar og nemar, ég allavega vissi ekkert hvað þetta var fyrr en í fyrra) þá er ég semsagt búin með lyflæknisfræðina (J.D í scrubs) og er á leið í skurðlæknisfræði (Turk í scrubs)! Ægileg spenna yfir því! Byrja á þvagfæraskurðdeild! Hlakka mikið til! Nú þarf ég bara að taka smá tíma á morgun í að rifja upp anatomiu blöðruhálskirtilsins! 

Reyndar er það alveg með ólíkindum hvað dagurinn í dag var rólegur svona miðað við hversu langur "to do" listinn er orðinn.. ægilega mikið sem safnast upp í svona prófatíð.. fyrst og fremst á dagskrá er tiltekt! Athyglissjúku kisunni minni hefur tekist að láta stofuna mína líta út eins og nýfallinn snjór liggi yfir öllu.. nema persónulega finnst mér þægilegra að hafa snjóflygsur á augnhárunum en kattahár... stefnan er semsagt tekin á allsherjar viðrun á morgun... ef ég nenni... 

Nú er fjórða vika frænkuátaks nýja ársins að klárast, stigin mín varla yfir 20 samtals og það verður ólíklegra með hverri vikunni að ég muni koma til með að komast í kjólinn sem ég ætlaði að passa í um páskana... Ekki nema kannski ef maður fer að kikka inn núna.. ég ætlaði að kíkja í leikfimi í dag en þegar ég fór á heimasíðuna til að tékka á opnunartímanum þá var þar klausa um að þar væri lokað vegna vatnsskemmda í dag... típískt... og ekki nenni ég að labbba um í frostinu og kuldanum! opnaði út í smá stund og hélt ég myndi missa tærnar...

En jæja.. þetta er orðið langt og leiðinlegt og klukkan er ekki nærri því jafnmargt og hún virðist vera! í alvöru! þetta er bilun í tölvunni! En ég er alla vega farin í háttinn!

Góða nótt!

Mér finnst þetta vera ein mesta eðalsetning sem heyrst hefur í sjónvarpi! (og pant ekki fá neinar leiðréttingar, mér er alveg sama hvort þetta sé orðrétt eða ekki) Hún græðir náttúrulega nokkuð mörg stig á því að það var hann Logan minn sem sagði þetta (Veronica Mars). Ég var einhvern tíma með þetta sem personal message á msn og það voru fáránlega margir sem voru ekki að fatta meininguna. Getur svo sem vel verið að þetta sé svona "you had to be there" dæmi. Fyrir þá sem ekki fatta þá er verið að tala um kynlíf og það er ekki verið að tala um að sleppa kúrinu, bara að ef það er besti hlutinn í ferlinu þá sé gæinn ekki að standa sig í hinu dótinu. Æ það er bara bæði betra...

Ég á ægilega sæta litla kisu. Ofsaleg dúlla eins og er (sefur í fanginu á mér) en getur verið major pain in the buttocs! Það eru til dæmis yfirleitt mun fleiri hlutir dreifðir um öll gólf þegar ég kem heim eftir skóla eða vinnu eða þegar ég bara vakna á morgnanna heldur en voru þar þegar ég fór út eða sofnaði, hún er algerlega á móti því að læra að hún á ekki að vaða á skítugum loppum uppi um öll borð, rúmið mitt er alltaf fullt af sandi og henni finnst ekkert skemmtilegra en að leika sér að klósettpappír og eyrnapinnum.. tættur pappír og bómull og beiglaðir pinnar út um allt hús! Hún er búin að læra í hvaða skúffu ég geymi pinnana, laumast ofan í hana við hvert tækifæri, opnar boxið sem þeir eru í og nælir sér í einn! Hún er líka fáránlega hrifin af vatni svona verandi kisa... Alltaf þegar ég er í baði þá stekkur hún upp á brúnina og horfir dáleidd ofan í vatnið. Svo dýfir hún loppunni ofan í og sleikir hana. Yfirleitt labbar hún út á bringuna á mér og niður magann og er komin hálf ofan í, eltandi froðuna. Ég má líka hvergi skilja eftir vatn í dalli þá er hún farin að skvetta eða vaða. Rugludallur. Snúsið er samt verst! Ég er yfirleitt með 2 vekjaraklukkur stilltar með 10 mínútna millibili. Hún vaknar yfirleitt við fyrstu hringingu, stekkur á fætur malandi og fer að mjálma og nudda sér upp við andlitið á mér. Ekki eins þægilegt og maður skyldi ætla þar sem ég enda yfirleitt alltaf með veiðihár upp í nefinu (kitlar alveg fáránlega mikið) eða rass í feisinu... Ég endist því sjaldnast allar 10 mínúturnar og hef þess vegna verið voða stundvís undanfarið, alltaf vöknuð á undan áætlun..

Jæja! Þetta er nú aldeilis búið að vera stuð! Afi Einar varð 80 ára í gær og í því tilefni komu öll hans börn, barnabörn og barnabarnabörn til Suðureyrar. Barnabarnabörnin eru nú enn sem komið er bara 3 og það eru systur mínar sem hafa verið að framleiða þau hingað til. Það var haldið svaka partý á laugarskvöldið í Talisman, nýja sjávarréttaveitingahúsinu í Suðurveri. Mjög flottur salur og fínn hittingsstaður. Svo var kjúklingaveisla hjá ömmu á sunnudeginum. Æðislega gott en ruglaði fólk pínu í ríminu. Var mikið um að fólk óskaði hvort öðru gleðilegs nýs árs. Sem er nú ekki furðulegt því við hittumst nú yfirleitt bara um jól og nýárskjúklingaveislan hennar ömmu er nú víðfræg! Og svo var skírn á mánudaginn! Ævar og Thitikan skírðu litlu ægilega sætu dóttur sína Monu Marínu! Og héldu svo einhverja þá alstærstu veislu sem ég hef séð! Veislan var haldin í Talisman og þau voru örugglega með mat fyrir svona 200 manns í viðbót! En alveg allsvakalega góður matur og það veltu allir þaðan út.

Barnabörnin voru nú í enn meira stuði en börnin því þau héldu partí á föstudags, laugardags og mánudagskvöld! Rosalega gaman að sitja með Arnþóri, Arnari, Elvari Atla, Árna, Þórunni Gyðu, Hildi Sólveigu og fleirum og spjalla og syngja. Yfirleitt var gítarinn á lofti. Mikið sungið. Það urðu nú allir hálf kindarlegir þegar við vorum "böstuð" í miðju "Allir elska alla". Tókum það nokkrum sinnum upp á húmorinn, þetta er eitthvað sem lifir í minningunni. Var stanslaust sungið í gamla daga þó það væru margir tugir manna í herberginu. Þetta er sem sagt vísa, sem væri gaman að vita hver bjó til, sem fer á þessa leið "Einar, elsku besti Einar, allir elska Einar og allir syngja með!" (tók Einar því það eru svo margir svoleiðis í ættinni). Þetta er svo sungið um alla. Það koma allir mjög kátir og elskaðir úr mínum fjölskyldupartíum skal ég segja ykkur. Sjálfstraustbúst aldarinnar að kíkja á gott ættarmót... En alla vega þá vorum við í miðju slíku lagi þegar Elvar frændi gengur inn á okkur og ég held svei mér þá að allir hafi roðnað.. Misstum aðeins kúlið við þetta..

Núna er ballið semsagt búið.. Fólk er farið að tínast heim á leið. Hafrún og Hildur eru farnar, Elvar Atli, Emma og Ameríkufólkið fer í dag en Svíarnir og Sólveig verða eitthvað lengur! Ég nenni ekki heim strax... Ætla bara að vera hérna fram undir helgi.. En ekki yfir helgina því ég er að fara á Sálarball með gömlu súgfirsku vinkonunum á laugardaginn. Ég, Sigrún, Hallgerður, Jófríður, Elsa og Alda (og kannski fleiri) á leiðinni á ball saman... Það eru nú eitthvað mörg mörg ár síðan það gerðist síðast...

Ég er búin að fá mér kisu! Búin að eiga hana í næstum tvær vikur! Hún er ægilega sæt og heitir Sóldís í höfuðið á gömlu kisunni minni henni Vigdísi og mér! (EGÓ) Ég skelli inn mynd af henni við tækifæri! Hún kom með vestur og er alveg að slá í gegn hér! Finnst öllum hún svo mikið rassgat! Sjáum samt til hversu lengi það endist.. Krúttleikinn á það til að hverfa með aldrinum... Núna er hún í pössun á Ísafirði.. Róbert skrapp úr bænum og þá nýtti Guðný Erla tækifærið og fékk kisuna lánaða... Hún fékk að gista hjá Elvu Rún og Guðna Rafni í nótt. Svo ætlum við að kíkja í heimsókn til Einars og kynna hana fyrir Soldán! Einari langar til að sjá hvernig Soldán bregst við henni... Við vonum að hann líkist sjálfum sér og verði sallarólegur. Þetta er ansi stór hundur og lítil kisa... Amma vildi líka fá hana í heimsókn svo það verður nóg að gera hjá okkur á næstunni...

En nú er ég búin að tala allt of mikið... Þetta er orðin frekar löng færsla.. Það er svona þegar maður hefur eitthvað að segja! Ætli ég verði ekki að færa mig yfir á dýraland.is núna.. Héðan í frá verður líklegast ekkert sagt nema sögur af kettinum!

Mjá! Sólveig